Titelbild

Occurrenzas


Occurrenza? Datum? Taimp? Noua?
Teater a Riom 28.10.2017 20:30 Sala polivalenta, Riom


Occurrenza detagls


Occurrenza Teater a Riom
Giuventetna Riom Parsonz
Antschatta 28.10.2017 allas 20:30
Fegn notg libra
Noua Sala polivalenta, Riom
Detagls "Coloro da frestg" - uscheia sa nomna igl teater tgi vign giuia chest'onn dall'uniun da giuventetna Riom-Parsonz.

La nossa gruppa da teater ò er chest'onn stibgia aint en toc divertent, legher e cun l'egna u l'otra malancligientscha sen tribuna:

Linda Waser ò gudagnea 64'000.- francs aint igl milliun ed anveida l'antiera tgesa ad ena tschagna. Igl fittadign gist sot ella, Adrian Kaiser, ò survagnia nigna invitaziun...el vegia mai sa preschento, e chegl on igls oters gia anaveidas. Bel'aposta vign festivo cun gronda canera e pitgia segl palantschia anfignen tgi lez petga da sot anse e racloma.

Linda canoscha Adrian angal no dalla buteia ed ò bagn patto en îgl sen lez. Cura tgi ella catta or, tgi el è igl nov fittadign giusot, sa strocla ella cun ena manzigna e pretenda, tgi ella seia angal sen visita... Scu tgi chegl fiss betg anc avonda, è Adrian er anc igl pictour, tgi vess da renovar la abitaziun da Linda. En battibogl perfetg!

15:00, prova generala
CHF 3.- per unfants, CHF 5.- per carschias

20:30, preschentaziun
CHF 6.- per unfants, CHF 12.- per carschias

Igl taxi stat a disposiziun l'antiera notg!

Dantant digl teater scu er siva la preschentaziun procurescha l'uniun da giuventetna per igl voss bagnstar. La seira vign accumpagneda dalla musica da solt "Rolf der Alpenflieger".

Ainten la bar procurescha noss DJ Struppi per divertimaint anfignen gliunsch aint per la dumang... E betg amblide, graztga alla midada digl taimp po neir festivo en'oura pi dei!

Nous ans legragn sen vossa visita!
L'uniun da giuventetna Riom-Parsonz
V0.9.81 R2775 - ©Copyright by LIN Webdesign - Responsabels
Valid XHTML 1.0! Valid CSS! Apache! PHP! MySQL!